广州嘅“粉”

“粥粉面饭”，喺广州嘅大街小巷，随处可见到呢种餐厅招牌，将广州人最传统嘅四样主食，都列晒出来了。就好似喺北方可以食到地道嘅面食咁，喺广州，要讲地道嘅，米粉就系其中之一。

讲起“粉”，如果范围广一啲，可以囊括肠粉、濑粉、米粉、河粉。如果按特色排个榜单，我谂，布拉肠系很多街坊中意嘅快餐式米粉，佢讲究爽、韧、滑、嫩，搭配鲜香嘅豉油等调料，十分和味。

第二系沙河粉。前一排，有个来自外地嘅朋友话，为咗食沙河粉，佢哋忍住肚饿唔食嘢，漏夜赶到白云山(600332)附近，可见佢嘅名气同魅力。我最中意嘅，就系干炒牛河，将牛肉、豆芽、沙河粉一起，搭配香葱、韭黄等调料，爆香喷鼻。

第三系珍珠肠，佢系肠粉嘅“堂兄弟”，街头最常见，携带最便捷嘅粉食。

第四系各种米线，或者叫“排粉”，佢制作过程中，要将米浆用机器或人手“排”成线状，所以叫排粉。排粉一般从干粉条泡湿，煮成汤粉嘅，所以对于家庭来讲，佢系最方便储存、煮食嘅一种粉。

米粉系别具岭南特色嘅一种美食，原料系广东盛产嘅稻米，佢嘅美味，来源于我哋温暖湿润嘅大自然。所以，有朋自北方来，叫佢千祈唔好错过广州嘅米粉。